好心人

昨日遇到了一個好心人。
話說我在鴨利洲上巴士, 因唔肯定方向, 就隨便問一問排在前面的女仔：「這巴士去到銅鑼灣地鐵嗎？」, 她答: 「可以, 妳於Sogo那個站落車啦」

上了車就冇再見到佢, 而到了銅鑼灣, 我這個「路盲」見好多人落車, 我又跟人落車, 落車後就立刻發現我早落了一個站, 正當開始發自己脾氣時, 突然有人拍我膊頭, 擰轉面, 竟然係剛才上車時我問路的女仔！
佢友善兼溫柔地同我講:　「妳落早了一個站啦，去地鐵站妳從這條路一直行，到紅綠燈位，過了大馬路就會見到地鐵站嘞。」

我很驚訝佢咁熱心，同時當然很感動佢咁關心我唔識路，我很感激的同佢講「唔該晒妳呀！」　（我又唸佢會唔會係基督徒呢？）

坦白講，係香港地，很少會有個「三唔識七」的人關心你；各人自掃門前雪這concept都幾強，又或者都係怕麻煩（這也可能只係我個人偏見）。　
幾年前，有次在屋企附近，突然好肚痛，感覺到自己要暈，已行到搖擺不定，好記得當時我好驚咁同神講：「神啊，祢唔好讓我係條街度暈低，呢度係唔會有人理我架」　可想而知，我係點唸．．．

但昨天的經歷，讓我知道好心人還在，我都要好好向她學習。